Roman “VALDINOŠKI KRUG” – Jovan Nikolaidis

Na stranicama ove knjige teče prošlost, razumije se: teče unazad, u tamu koja ju je izrodila i u koju će se vratiti, ostav­ljajući krhotine o ljudskom padu, privide o životu: iskrice iz beskonačnog Vremena. Naziru se mitski obrisi jedne uvale, udaraju vali jednog mora, huj jednog vjetra koga jadni ljudi zovu maestropunento, sliva se srebro jednog maslinjaka koji raste, koga spaljuju, te koga iznova iz pepelišta rađaju kiše i sunčanja. Dakle, teče vrijeme, kao što je teklo svugdje gdje je zlo jače od dobra; pripovijeda se o ljudima, životinjama, vodi i bilju, i pokojoj utvari koja nastanjuje zaliv, taj Valdinos, na dnu Jadranskog mora, u državi koju danas zovu Crna Gora, a odvajkada i Montenegro, jednako od milja koliko i od nostal­gije: Vero Montenegro.

Jovan Nikolaidis